Basketbol üzrə dünya çempionatının seçmə matçı ilə əlaqədar sentyabrın 1-i saat 11:00-dan sentyabrın 2-si saat 00:00-dək, sentyabrın 3-ü saat 11:00-dan sentyabrın 4-ü saat 00:00-dək, sentyabrın 6-sı saat 11:00-dan sentyabrın 7-si saat 00:00-dək Universitet küçəsində hərəkət sxemi dəyişdiriləcək və nəqliyyatın yalnız bir istiqamətdə hərəkətinə icazə veriləcək.

Paytaxt Meriyasından verilən məlumatda, nəqliyyat vasitələrinin Tamaraşvili küçəsindən Politkovskaya küçəsi istiqamətində Universitet küçəsi ilə hərəkət edə biləcəyi deyilir.

“Politkovskaya küçəsindən isə ictimai nəqliyyat istisna olmaqla, avtomobillərin Universitet küçəsinə dönməsi məhdudlaşdırılacaq. Avtomobil sürücüləri Politkovskaya küçəsindən Universitet küçəsi istiqamətində Ğazbeqi prospekti, Kavtaradze və Tamaraşvili küçələri vasitəsilə hərəkət edə biləcəklər. Universitet küçəsindən Daneliya küçəsi istiqamətində nəqliyyatın hərəkətinə icazə veriləcək , Daneliya küçəsindən nəqliyyat vasitələri yalnız Politkovskaya küçəsi istiqamətində hərəkət edəcəklər. İctimai nəqliyyata bu məhdudiyyət şamil edilməyəcək və müəyyən edilmiş qrafikə uyğun hərəkət edəcəklər” -deyə meriyada bildiriblər.