Baş nazir İrakli Ğaribaşvilinin əmrilə Gürcüstanın Müdafiə Qüvvələri Ğvareli Munisipalitetində yanğınsöndürmə əməliyyatlarına qoşulacaq. Hökumət başçısı tərəfindən müvafiq sənəd artıq imzalanıb.

“Gürcüstan Konstitusiyasının 72-ci maddəsinin 2-ci bəndi və “Gürcüstan hökumətinin struktur, səlahiyyətlər və fəaliyyət qaydası haqqında” Gürcüstan qanununun 8-ci maddəsinin 2-ci bəndinin “N” yarımbəndi əsasında, Ğvareli Munisipalitetində , təbii fəlakətin aradan qaldırılması məqsədilə yanğınsöndürmə tədbirlərinin effektiv həyata keçirilməsi üçün Gürcüstanın Müdafiə Qüvvələrindən istifadə olunsun”- deyə baş nazirin sərəncamında bildirilir.

Məlumatı Gürcüstanın baş nazirinin mətbuat xidməti yayır.