Gürcüstanın Baş naziri və parlamentin sədri birgə bəyanat yayırlar.

Bəyanatda qeyd edildiyi kimi, Olimpiyadanın bütün mükafatçıları ali dövlət mükafatlarına təqdim olunacaqlar.

“Gürcüstanın Olimpiya Komandası Olimpiya Oyunlarında çıxışını başa vurdu. Paris Olimpiadasında gürcü idmançılar 3 qızıl, 3 gümüş və 1 bürünc medal qazandılar ki, bu da tarixin ən yaxşı nəticəsidir. Müvafiq olaraq, Gürcüstanın Olimpiya Komandası tarixdə ən yüksək yeri, komanda hesabına görə 24-cü yeri tutdu. Bu böyük nailiyyət münasibətilə gürcü Olimpiya iştirakçılarını və bütün Gürcüstanı təbrik etmək istərdik.

Fəxrimiz olan idmançılarımızın nailiyyətlərini qiymətləndirmək üçün Olimpiyadanın bütün mükafatçılarını ali dövlət mükafatlarına təqdim etmək haqqında qərar qəbul etdik.

Müqəddəs Qiorqi adına Qələbə ordeninə təqdim edilən Olimpiya çempionları :

– Laşa Talaxadze, 3 qat Olimpiya, 7 qat dünya və 7 qat Avropa çempionu;

– Laşa Bekauri, 2 qat Olimpiya çempionu;

– Qeno Petriaşvili, hər üç Olimpiya medalının sahibi, 3 qat dünya çempionu və 2 qat Avropa çempionu.

“Şərəf” ordeninə təqdim edilən Olimpiya mükafatçıları :

– Tato Qriqalaşvili, Olimpiya vitse-çempionu, 3 qat dünya və 3 qat Avropa çempionu;

– İlia Sulamanidze, Olimpiya vitse-çempionu, dəfələrlə dünya və Avropa çempionatlarının mükafatçısı;

– Qivi Macaraşvili, Olimpiya vitse-çempionu, dünya çempionatlarının 2 qat mükafatçısı, 2 qat Avropa çempionu;

– Laşa Quruli, Olimpiya Oyunlarının bürünc medal mükafatçısı, dəfələrlə dünya və Avropa çempionatlarının mükafatçısı.

Bir daha Gürcüstanın Olimpiya Komandasının hər bir üzvünə Gürcüstan üçün qazanılmış qələbəyə görə təşəkkür etmək istərdik və gürcü idmançılara gələcək nailiyyətlər arzulayırıq”- birgə bəyanatda deyilir.