Irakli Kobakhidze Türkiyə Respublikasının Gürcüstana yeni təyin olunmuş fövqəladə və səlahiyyətli səfiri Mustafa Turker Ari ilə görüşüb.

Gürcüstanın baş naziri səfiri diplomatik fəaliyyətə başlaması münasibətilə təbrik edib və ona uğurlar arzulayıb.

Görüş zamanı iki ölkə arasında ümumi regional maraqlara əsaslanan güclü strateji tərəfdaşlıq vurğulanıb. İqtisadi əlaqələrin gücləndirilməsinin əhəmiyyətinə diqqət çəkilib və Türkiyənin Gürcüstanın əsas ticarət tərəfdaşlarından biri olduğu qeyd olunub.

Tərəflər Orta Dəhlizin inkişaf perspektivlərini və birgə regional layihələri də müzakirə ediblər. Bu kontekstdə Cənubi Qafqaz regionunda sülh və sabitliyin təmin edilməsinin vacibliyi xüsusi vurğulanıb.