Banqladeş ordusunun rəhbəri Vaker-uz-Zamani ölkədə müvəqqəti hökumətin qurulacağını bildirir.

Televiziya müraciəti zamanı Banqladeşin yüksək rütbəli hərbi məmuru ölkə prezidenti Mohamed Şahabudinlə görüşəcəyini və söhbətin problemin həllinə aid olacağını qeyd edib.

Banqladeş ordusunun rəhbəri həmçinin müxalif siyasi partiyaların nümayəndələri ilə artıq danışdığını bildirib.

Ölkənin müvəqqəti hökumətinə kimin rəhbərlik edəcəyi bu vaxta qədər bilinmir. Eyni zamanda, etiraz aksiyasının iştirakçılarının Banqladeşin Baş nazirinin administrasiyasının binasını qarət etdiyi barədə məlumat yayılır.

Mövcud məlumata əsasən, Banqladeşin Baş naziri Şeyx Hasina vəzifəsindən istefa verib və ölkəni tərk etdikdən sonra Hindistana gedib.