Azərbaycanın paytaxtı Bakıda İlham Əliyevlə Vladimir Putin arasında danışıqlar başlayıb. Rusiya mediasının yazdığına görə, görüş İlham Əliyevin iqamətgahında keçirilir.

Görüş başlamazdan əvvəl Azərbaycan və Rusiya prezidenti qısa şərh ediblər. Əliyev öz salamlaşmasında Azərbaycan ilə Rusiya arasında əməkdaşlığın vacibliyini vurğulayıb.

“Qeyd etmək istərdim ki, biz Rusiya ilə Azərbaycan arasında qarşılıqlı əlaqələrin səviyyəsindən çox razıyıq. 2022-ci ilin fevralında imzaladığımız Müttəfiqlərin qarşılıqlı fəaliyyəti haqqında Bəyannamə həm siyasi, həm də iqtisadi sahədə uğurla həyata keçirilir. Biz müsbət dinamika və yaxşı rəqəmlər görürük. Enerji və nəqliyyat sahəsində əməkdaşlıq edirik. Humanitar sahədə əməkdaşlığa xüsusi diqqət yetiririk”, – deyə Əliyev bildirib.

Öz növbəsində, Rusiya prezidenti bildirib ki, Moskva Azərbaycanla Ermənistan arasında münasibətlərin tənzimlənməsinə və regionda nəqliyyat logistikasının blokdan çıxarılmasına yardım etməyə hazırdır.

“Azərbaycanla Ermənistan arasında sülh sazişinin imzalanmasına nail olmaq, məsələni sərhədin delimitasiyası-demarkasiyasına çatdırmaq, iqtisadiyyatda logistikanın müvafiq istiqamətlərini açmaq üçün nəsə edə bilsək, şad olardıq. Aydındır ki, Azərbaycana səfərimdən sonra mən Ermənistanın baş naziri ilə əlaqə saxlayacağam və danışıqlarımızın nəticələri barədə ona məlumat verəcəyəm”, – deyə Putin bildirib.