Ukrayna hakimiyyətinin emosional bəyanatlarına təəccüblənməməliyik, bizim tərəfimizdən isə Gürcüstanın hərbi münaqişəyə cəlb edilməməsi üçün hər şeyi etməliyik-bu barədə
“Lelo”-nun liderlərindən biri Badri Caparidze bildirib. O, Ukrayna Prezident Ofisinin rəhbərinin müşaviri Aleksey Arestoviçin Gürcüstanla bağlı son zamanlar verdiyi bəyanatlara münasibət bildirib.

“Arestoviçin bəyanatına gəlincə, biz Rusiya Federasiyası tərəfindən hər gün bombalanan Ukrayna hakimiyyətinin nümayəndəsinin bəyanatından danışırıq. Müvafiq olaraq, Ukrayna hakimiyyətinin nümayəndələri tərəfindən verilən emosional bəyanatlara təəccüblənməməliyik, çünki insanın Rusiyanın Ukrayna ərazisində etdiklərinə emosional reaksiyanın olmaması mümkünsüzdür. Emosional qiymətləndirmələr məhz bundan qaynaqlanır, lakin biz hamımız başa düşməliyik ki, Gürcüstanın hərbi münaqişəyə cəlb edilməməsi üçün hər şeyi etməliyik. Bütün bunları isə Qərbli tərəfdaşlarımızla, onların dəstəyi ilə etməliyik. Bütün bunlar Gürcüstanın Qərb Koalisiyasının, Ukraynanı fəal şəkildə dəstəkləyən koalisiyanın fəal üzvü olması üçün zəruridir”-deyə Badri Caparidze bildirib.