Ayova ştatının Qrinfild şəhərində tornado səbəbindən bir neçə nəfər həlak oldu, onlarla insan yaralandı

11:00, 22.05.2024

Ayova ştatının Qrinfild şəhərində güclü tornado nəticəsində bir neçə nəfər həlak oldu, onlarla insan isə yaralandı.Bu barədə media yerli hakimiyyət orqanlarına istinadən məlumat verir.

Tornado nəticəsində magistral yollara, yaşayış evlərinə və yerli infrastruktura ziyan dəydi.

“Tornado bu şəhərin böyük bir hissəsini dağıtdı”, – ştatın patrul polisinin nümayəndəsi qeyd edir.

Ölənlərin dəqiq sayı barədə hələlik məlumat yayılmır.

Medianın yazdığı kimi, tornado yerli xəstəxanaya ziyan vurduğu üçün yaralılar yaxınlıqdakı şəhərlərə köçürülüblər.

Bununla yanaşı, Ayova qubernatoru təbii fəlakətlər səbəbindən 15 vilayətdə fövqəladə vəziyyət elan etdi.

Müəllif - Nino Pashayeva

Dünya