Cuti yolunun bərpası layihəsi başa çatdırılıb və işlər üçün səfərbərliyə başlanılıb – Avtomobil Yolları Departamentinin yaydığı məlumatda bildirilir.

Qurumdan verilən məlumata görə, tikinti işlərinə gələn həftədən başlanılacaq.

“Bu ilin iyun ayında ictimaiyyətə məlumat verdiyimiz kimi, Açxoti-Sno-Axaltsixe-Cuti avtomobil yolunun 12-16-cı km hissəsində davamlı olaraq monitorinq aparılıb və profilaktika və reabilitasiya layihəsi hazırlanır. 2022-ci ilin sonunda başlayan ilkin tədqiqatlar və dizayn qərarları artıq tamamlanıb. Bu il iyulun 21-də 3 zədələnmiş və bir sürüşmə sahəsi müəyyən edilib, artıq tikintiyə hazırlıq işlərinin aparılması və işlərin başlanması barədə tikinti şirkətinə göstəriş verilib. Podratçı təşkilat tərəfindən hazırlıq və səfərbərlik işləri aparılıb. Gələn həftə tikinti işlərinə başlanılacaq. Çətin relyefə və işlərin xüsusiyyətlərinə görə işlər zamanı yolda hərəkət qadağan olunacaq”, – məlumatda deyilir.