Avstriya, eləcə də bütövlükdə Avropa İttifaqı Gürcüstanın ərazi bütövlüyünü tamamilə dəstəkləyir. Bu, Gürcüstana münasibətdə hərəkət etdiyimiz zaman siyasi fəaliyyətimizin mərkəzində dayanır-bu barədə Avstriyanın federal kansleri Karl Nehammer açıqlayıb.

O, siyasətdə rasionalist qiymətləndirmələrin olduqca mühüm olduğunu bildirib.

“Avstriya o cümlədən Aİ-nin Gürcüstandakı missiyasını dəstəkləyir. Yeddi müşahidəçi ilə təmsil olunur. Biz Gürcüstanın sabitliyinə həqiqətən çox böyük töhfə verən bu missiyaya baş çəkəcəyik. Təbii ki, bu istiqamətdə lazım olandan artıq iş görmək çətindir, lakin biz Avstriyanın görkəmli şəkildə təmsil olunmasını təmin edirik. Biz onu da dərk etməliyik ki, Avstriya, eləcə də bütövlükdə Avropa İttifaqı Gürcüstanın ərazi bütövlüyünü tamamilə dəstəkləyir. Bu, Gürcüstana münasibətdə hərəkət etdiyimiz zaman siyasi fəaliyyətimizin mərkəzində dayanır.

Siyasətdə rasionalist qiymətləndirmələrin olması olduqca vacibdir. Siyasət imkanlar sənətidir, biz bu dəhlizdə, imkanlar dəhlizində hərəkət etməliyik və bunu Gürcüstan hökuməti edir. Bunun çox çətin olduğunu bilirəm. Bu səbəbdən bir daha təkrar edə bilərəm ki, burada olmaqdan çox xoşbəxtəm. Bu dəstəyə müəyyən töhfə verə biləcəyimizdən, həmçinin tərəfdaşınız və dost ölkə olaraq Gürcüstana bu gün olduğu çətin yolda dəstəyimi bildirməyə şadam” – deyə Karl Nehammer açıqlayıb.