Avropa Şurası Parlament Assambleyasının (AŞPA) prezidenti Teodoros Russopulos bəyan edir ki, Venesiya Komissiyasının “Xarici təsirin şəffaflığı haqqında” qanunu ilə bağlı rəyi cari həftənin əvvəlində dərc olunacaq.

Russopulos gürcü qanunvericilərini qanun qüvvəyə minməzdən əvvəl Venesiya Komissiyasının tövsiyələrini tam şəkildə nəzərdən keçirməyə çağırır.

Bununla yanaşı, Avropa Şurası Parlament Assambleyasının prezidenti parlamentin yaxınlığında aksiyada inkişaf edən hadisələrə münasibət bildirir.

“Bu hücumlar, eləcə də polisin qeyri-proporsional güc tətbiqi ilə bağlı məlumatlar hakimiyyət tərəfindən tam və şəffaf şəkildə araşdırılmalı, etirazçıların, vətəndaş cəmiyyəti fəallarının, jurnalistlərin və parlament üzvlərinin, onların bu qanunla bağlı düşüncəsindən asılı olmayaraq təhlükəsizliyinin qorunması üçün müvafiq tədbirlər görülməlidir”, – Russopulos qeyd etdi.

Parlament “Xarici təsirin şəffaflığı haqqında” qanun layihəsini üçüncü oxunuşda qəbul etdi. Parlamentin 84 üzvü qanun layihəsini dəstəklədi, 30 deputat isə əleyhinə səs verdi.