Avropa Komissiyası Macarıstana “Milli suverenliyin qorunması” haqqında qanunun Avropa İttifaqı ilə uyğunluğa gətirilməsi üçün iki ay vaxt verir, əks təqdirdə Avropa İttifaqının məhkəməsinə müraciət edəcək.

Avropa Komissiyasının bəyanatında qeyd olunduğu üzrə, Avropa İttifaqı siyasi səbəblərlə xaricdən maliyyə dəstəyi alan siyasi qruplar üçün həbsi nəzərdə tutan qanunun yumşaldılması üçün Macarıstana əsaslandırılmış rəy göndərib.

Macarıstanın dekabrda qəbul etdiyi “Milli suverenlik qanunu” siyasi müdaxilə risklərinin öyrənilməsi və monitorinqi üçün müstəqil qurumun yaradılmasını nəzərdə tutur. Bu qanun seçkilərdə iştirak edən və xaricdən maliyyə dəstəyi alan partiya və qrupların üzvlərinə 3 ilə qədər həbs cəzası verilməsini mümkün edir. Avropa Komissiyası bu ilin fevralında sözügedən qanunla bağlı prosedura başlayıb. İndi isə
əsaslandırılmış rəyi göndərib, bu da onun Avropa İttifaqının qanunvericiliyi ilə uyğunluğa gətirilməsi üçün formal tələbdir. Brüsselin bəyanatına əsasən, qanun Avropa İttifaqının demokratik dəyərlərini və fundamental hüquqlarını pozur. Macarıstanın hakim “Fides” partiyasında isə bu qanunun xarici siyasi müdaxilədən qorunmaq üçün lazım olduğunu deyirlər.