Ötən çərşənbə axşamı Qert İan Kompmann Ukrayna nümayəndə heyətindən bir neçə nəfərin müşayiət etdiyi Ukraynanın baş prokuroru ilə görüşüb, bu görüşü başqa cür təqdim etmək dezinformasiyadır – bu haqda Aİ-nin Gürcüstandakı Nümayəndəliyinin yaydığı bəyanatda qeyd olunub.

Bəyanatda qeyd edildiyi kimi, Avropa İttifaqına qarşı yönəlmiş dezinformasiya ilə mübarizə üzvlük danışıqlarının başladılması istiqamətində atılacaq 9 addımdan birincisidir.

“Mediada yayılan məlumata cavab olaraq, Aİ-nin Gürcüstandakı Nümayəndəliyi izah edir ki, Aİ-nin Qonşuluq və Genişlənmə Danışıqları Direktoratlığından baş direktorun müavini Qert İan Kompmann Qərbi Balkanlar, Şərqi və Cənub Qonşuluğu ölkələrinin və digər ölkələrin əlbəttə ki, Ukrayna da daxil olmaqla nümayəndələri ilə müntəzəm görüşlər keçirir.

Ötən çərşənbə axşamı o, Ukrayna nümayəndə heyətindən bir neçə nəfərin müşayiət etdiyi Ukraynanın baş prokuroru ilə görüşüb, bu görüşü başqa cür təqdim etmək dezinformasiyadır (düzgün məlumatı sosial şəbəkədə Aİ səhifələrində asanlıqla əldə etmək olar).

Avropa İttifaqına qarşı yönəlmiş dezinformasiya ilə mübarizə üzvlük danışıqlarının başladılması istiqamətində atılacaq 9 addımdan birincisidir”- bəyanatda qeyd olunub.

Gürcüstanın sabiq ədliyyə naziri və keçmiş baş prokuroru Zurab Adeişvili Ukraynanın baş prokuroru Andrey Kostin ilə birlikdə Brüsseldə Avropa Komissiyasında görüşlər keçirib.

Zurab Adeişvili Gürcüstanda bir neçə iş üzrə ittiham olunur və bir neçə iş üzrə isə mühakimə olunub.