Avropa Şurası Parlament Assambleyasının (AŞPA) prezidenti Teodoros Rusopulos İrakli Kobaxidzeni baş nazir təyin olunması münasibətilə təbrik edir.

“Hörmətli baş nazir, baş nazir təyin olunmağınızla bağlı aldığım məlumat olduqca xoş idi. Sizi bu vəzifə münasibətilə ürəkdən təbrik etmək istərdim. Avropanın çoxtərəfliliyi və ümumi hüquq nizamı təhlükələri Avropa Şurasına üzv olan bütün dövlətlərin üzərinə yük kimi düşür. İndi ümumi çağırışlar və dəyərlər ətrafında birləşmək daha vacibdir. Əminəm ki, 2020-ci ildən Avropa Şurası Parlament Assambleyası çərçivəsində milli nümayəndə heyətinin rəhbəri, Parlament Assambleyasının vitse-prezidenti və öhdəliklərin yerinə yetirilməsi komitəsinin üzvü kimi topladığınız böyük təcrübəniz qarşınızda duran mühüm vəzifələri yerinə yetirmək üçün həlledici aktiv olacaq. Sizə gələcək çağırışlar qarşısında uğurlar arzulayırıq”- təbrik məktubunda qeyd olunur.