AŞPA nümayəndə heyətinin üzvü – Ermənistanda seçkilər birbaşa xarici müdaxilə şəraitində keçirildi, Rusiya üçün əsas prioritet Ermənistanı öz təsir dairəsində saxlamaq imkanından istifadə etmək idi

Ermənistanda seçkilər xüsusilə gərgin geosiyasi şəraitdə və birbaşa xarici müdaxilə fonunda keçirildi. Aydındır ki, Rusiya üçün əsas prioritet Ermənistanı öz təsir dairəsində saxlamaq üçün bütün imkanlardan istifadə etmək idi. Bu barədə AŞPA-nın monitorinq missiyasının üzvü Edite Estrela bugünkü mətbuat konfransında bildirib.

Beynəlxalq müşahidəçinin sözlərinə görə, bu məqsədə nail olmaq üçün Rusiya hakimiyyəti seçkilərə müdaxilə sahəsində topladığı geniş təcrübəyə arxalanıb.

“Moskvanın təzyiqi və təhdidləri görünməmiş və narahatedici səviyyəyə çatmışdı. Hətta cənab Putinin Ermənistanın Avropayönlü kursunu davam etdirəcəyi təqdirdə mümkün Ukrayna ssenarisindən danışdığını da eşitdik. Bu kontekstdə seçki administrasiyasının əla fəaliyyətini xüsusi vurğulamaq istəyirəm. Dünən İrəvanda və onun ətrafındakı bir neçə seçki məntəqəsini ziyarət edərkən çox müsbət təcrübə əldə etdim”, – deyə Edite Estrela bildirib.

Hazırkı məlumatlara əsasən, Ermənistan parlamentində hakim “Vətəndaş Müqaviləsi” Partiyası 61 mandat, “Güclü Ermənistan” bloku isə 28 mandat qazanacaq.