Mezzo-soprano, “Arzular ağacı” beynəlxalq fondunun təsisçisi Nino Surquladze Türkiyənin Gürcüstandakı səfiri Ali Kaan Orbay ilə görüşüb.

Nino Surquladze səfirlikdə açılan matəm kitabında ürək sözlərini yazıb və dağıdıcı zəlzələ nəticəsində həlak olan minlərlə insanla bağlı səfirə başsağlığı verib.

Gürcü mezzo-soprano fevralın 20-nə planlaşdırılan tədbir çərçivəsində Ali Kaan Orbaya kömək təklif edib.

“Arzular ağacı” fondunun rəhbəri xeyriyyə konsertindən əldə olunan vəsaitdən Türkiyədə zəlzələdən zərərçəkənlərə yorğan və çadırlar da daxil olmaqla ilkin ehtiyacların göndəriləcəyini bildirib.

“Arzular ağacı” fondu fevralın 20-də bu mühüm məqsədi də özündə əks etdirən xeyriyyə konserti verməyi planlaşdırıb. Gəlirlərin bir hissəsi ilə biz zərərçəkmiş vətəndaşlara yorğan və çadır da daxil olmaqla səfirin hazırda ən çox ehtiyac duyduqlarını dediyi əşyaları göndərəcəyik. Əşyaların çatdırılması həm Türkiyənin Gürcüstandakı səfirliyi, həm də Türkiyədəki səfirliyimiz tərəfindən təmin edilir.

Mən hər zaman xeyirxah məqsəd üçün birləşən səmimi gürcülərimizə inanıram və əminəm ki, fevralın 20-də də belə olacaq, türk dostlarımız bu çətin günlərdə tək olmadıqlarını bilməlidirlər “-deyə Nino Surquladze açıqlayıb.

Türkiyənin səfiri Nino Surquladzeyə və “Arzular ağacı” fonduna göstərdikləri dəstəyə görə təşəkkür edib və bu çətin zamanda gürcü xalqı və hökumətindən ən böyük dəstəyi hiss etdiyini və buna görə Gürcüstana minnətdar olduğunu qeyd edib.