5-ci Artilleriya Briqadasının 52-ci Artilleriya Batalyonu səhra təlimini döyüş atışları ilə başa vurub.

Vaziani atıcılıq poliqonunda keçirilən səhra təlimi müdafiə əməliyyatının aparılmasına yönəldilmişdi və üç həftə davam edib.

Müdafiə Nazirliyindən verilən məlumata əsasən, təlim üç mərhələdən ibarət olub. Birinci mərhələ batalyon və tabeliyində olan bölmələrin qarşılıqlı inteqrasiyasına həsr olunmuşdu, ikinci mərhələ qiymətləndirmə-nəzarət qrupları tərəfindən batalyonun qiymətləndirilməsini əhatə edirdi, üçüncü mərhələ isə döyüş atışları ilə başa çatdı.

Qurumdan verilən məlumata əsasən, təlim batalyon qərargahının, atəş bölmələrinin birgə hərəkətlərinin və praktiki vərdişlərinin, zenit hesablamalarının təkmilləşdirilməsi məqsədi daşıyıb.