Parlament komandamız, hökumət komandası öz siyasi və humanitar dəstəyini bir daha ifadə etmək üçün Ukraynaya səfər etməyə hazırdır-bu barədə parlament çoxluğunun üzvü Arçil Talakvadze bildirib.

Onun sözlərinə görə, parlament nümayəndə heyətində Ukrayna ilə münasibətlərin birbaşa aid olduğu və öz mövqeyini müvafiq səviyyədə ifadə edə biləcək şəxslər yer alacaq.

“Bizim və Ukraynanın çoxillik sarsılmaz dostluğumuz nəticəsində mövcud olan bütün öhdəlikləri Gürcüstan yerinə yetirirdi, konkret addımlar atırdı və bu dəstəyi gələcəkdə də davam etdirəcək. Ukraynaya səfərə gəlincə, parlament komandamız, siyasi və hökumət komandamız öz siyasi və humanitar dəstəyini bir daha ifadə etmək üçün Ukraynaya səfər etməyə, eləcə də son zamanlarda media vasitəsilə şahid olduğumuz ağır insan faciəsi ilə bağlı başsağlığı verməyə hazırdır. Kimin gedəcəyi təbii ki ikinci dərəcəli mövzudur. Bununla belə, sizi əmin edirəm ki, biz Ukrayna ilə münasibətlərdə birbaşa əlaqəsi olan və Ukraynada öz mövqeyini lazımi səviyyədə ifadə edə biləcək insanlar səfər edəcəyik”-deyə Arçil Talakvadze bildirib.

Gürcüstan parlamentinin sədri Şalva Papuaşvilinin Ukraynaya səfər edib-etməyəcəyinə gəlincə, Talakvadzenin sözlərinə görə, Papuaşvilinin heç vaxt Ukraynaya, Ukrayna xalqına dəstəyini ifadə etmək problemi olmayıb.

Onun sözlərinə görə, Papuaşvili parlament fəaliyyətinə qayıdandan sonra məsələ ilə bağlı özü açıqlama verəcək.

“Parlamentin sədri, Şalva Papuaşviliyə gəlincə, onun heç vaxt, nə keçmişdə, nə də indi Ukraynaya, Ukrayna xalqına dəstəyini ifadə etmək problemi olmayıb. Təbii ki, bu, lazımi vaxtda Ukraynaya səfər etməyə hazır olmağı da nəzərdə tutur. O, parlament fəaliyyətinə qayıdandan sonra bununla bağlı açıqlama verəcək. Sizi əmin edirəm ki, Gürcüstan bütün səviyyələrdə öz mövqeyini ləyaqətlə ifadə edir. Şalva Papuaşvilinin nə keçmişdə, nə də gələcəkdə ölkəsinin maraqları, beynəlxalq öhdəliklər ifadə edilməli olanda, hətta ən çətin anda ən çətin yerə getmək olsa belə, problemi olmayıb, olmayacaq”- deyə Arçil Talakvadze bildirib.