Xatırlatmaq istərdim ki, bəzi KİV-lər cənab Partsxaladze ilə bağlı prosesləri işıqlandırarkən nə qədər tutarsız idilər, bir az əvvəl bəzi KİV-lər onun Gürcüstandan qaçırıldığını və qaçdığını deyirdilər, indi həmin insanlar, eyni televiziyalar onun hava limanı vasitəsilə geri qayıtdığını deyirlər – bu barədə “Gürcü Arzusu”nun üzvü Arçil Talakvadze açıqlayıb.

Talakvadze bütün müvafiq strukturların Gürcüstanın qanuni maraqlarının keşiyində dayandığını bildirib.

“Adicə, əvvəlki kampaniyanız və suallarınız indi dediyiniz və ünvanladığınız suallarla ziddiyyət təşkil edir. İkincisi, əgər o, hava limanından, sərhəddən Gürcüstana qayıdıbsa, mən sizi əmin edirəm ki, Gürcüstana gələn qonaqların daxil olmasına nəzarət edən bütün müvafiq strukturlar tam hazırlıq vəziyyətindədirlər və öz səlahiyyətləri daxilində, mənə inanın ki, bu məsələ də lazımi hüquqi nəzarət altında olacaq. Beləliklə, burada qalmaqallı heç nə yoxdur və buradan yeni sensasiya çıxmayacaq. Gürcüstana kimin gətirildiyini və kimin guya xüsusi missiya ilə gəldiyini yaxşı xatırlamalısınız. Sual olunurdu ki, siz onu hava limanında görmüsünüzmü, yəni adi qaydada sərhəddən daxil olub, müvafiq olaraq sizə deyirəm ki, sərhəddə, eləcə də ölkə miqyasında bütün müvafiq strukturlar Gürcüstanın qanuni maraqlarının keşiyində dayanır”- deyə Talakvadze açıqlayıb.