Kutaisidə polis hücumçunu zərərsizləşdirmək və vətəndaşları azad etmək məqsədi daşıyan xüsusi əməliyyatı uğurla həyata keçirdi-bu barədə parlamentin vitse-spikeri Arçil Talakvadze bildirib.

O , bu günün hakimiyyətin əsas dəyərinin insan həyatı və sağlamlığı olduğunu bir daha cəmiyyətə göstərdiyini söyləyib.

“Çətin gün idi, bu gün bizim iqtidar üçün əsas dəyərin insan həyatı və sağlamlığı , ilk növbədə insanların qayğısına qalmaq olduğunu cəmiyyətə bir daha göstərdi. Bütün çətin işlərə nəticə ilə qiymət verilir və nəticə odur ki, polis bütün girovları azad edərək hücumçunu həbs etdi. Əməliyyat itkisiz başa çatdı. Fürsətdən istifadə edərək, mən də hüquq-mühafizə orqanlarının hər bir əməkdaşına və xüsusi əməliyyat zamanı müavinləri ilə birlikdə şəxsən hadisə yerində olmuş daxili işlər naziri Vaxtanq Qomelauriyə təşəkkürümü bildirmək istəyirəm.

Hüquq-mühafizə orqanlarının əməkdaşlarının öz canları bahasına girovları azad etməyə çalışması və bütün ölkənin onlara azarkeşlik etməsi fonunda- “Milli Hərəkat”ın liderləri və onların həmfikirləri polisləri tənqid edir, onlara istehza edirdilər. Üstəlik, sanki hər şeyin “səhnələşdirilmiş” olması barədə insanlar arasında növbəti rüsvayçı dezinformasiya yaymaq üçün koordinasiyalı səylərə şahid olduq.Modelləşdirilmiş müharibənin, meşədə saxlanılan çəlləklərin və ölümlə nəticələnən bir çox işlərin müəlliflərinin bu davranışından heç kəs təəccüblənməyəcək, lakin bu cür görünməmiş hərəkətə həmişə reaksiya verilməsi labüddür” – deyə Arçil Talakvadze bildirib.