Gürcüstan parlamentinin vitse-spikeri Arçil Talakvadze Gürcüstan prezidenti Salome Zurabişvilinin dinləmələr ilə əlaqədar qanunlayihəyə veto qoyması barədə bəyanatına münasibət bildirib.

Arçil Talakvadzenin də qeyd etdiyi üzrə, qanunlayihə bütün maraqlı tərəflərlə müzakirə edilib, kifayət qədər arqumentlər təqdim edilib və paylaşılıb.

Talakvadzenin sözlərinə görə, dəyişikliklər üçün kifayət qədər arqument olmasından irəli gələrək, məsələ parlamentə qaytarıldıqdan sonra yenidən dəstəkləyici qərar qəbul olunacaq.

“Həqiqət ondan ibarətdir ki, bu qanunlayihə iki-üç il ərzində bütün maraqlı tərəflərlə müzakirə olunub, bu dəyişikliklərin bu gün Gürcüstanın üzləşdiyi təhlükəsizlik problemlərinə birbaşa cavab verməsinə dair kifayət qədər arqumentlər təqdim olunub və paylaşılıb. Müvafiq olaraq, bu halda vetodan niyə istifadə edildiyi təbii ki, anlaşılmazdır. Veto qoyulduqdan sonra qanunlayihə və məsələ parlamentə qaytarılır. Biz artıq bir dəfə parlamentdə bu dəyişiklikləri dəstəkləmiş və qəbul etmişik. Çünki bu dəyişikliklər üçün müvafiq arqument var, təbii ki, növbəti sessiyada məsələ parlamentə qaytarılanda biz yenidən müzakirə edərək, dəstəkləyici qərar qəbul edəcəyik” – deyə Arçil Talakvadze bildirib.

Gürcüstan prezidenti Salome Zurabişvili dinləmələrlə bağlı qanunlayihəyə veto qoyub.