Ağır müharibə şəraitində olan bir ölkənin siyasi xadiminin, yüksək rütbəli məmurunun Gürcüstanın daxili siyasi məsələləri ilə bağlı bəyanatlar vermək üçün vaxt tapması təəssüf doğurucu və məyusedicidir-bu barədə parlament çoxluğunun üzvü Archil Talakvadze Davit Araxamianın bəyanatı ilə bağlı suala cavabında qeyd edib.

Talakvadzeyə Radanın fraksiyasının “Xalqın xidmətçisi”nin sədri Davit Araxamiaya Gürcüstana nə üçün gəlməməyi məsləhət gördüklərinə dair sual ünvanlayıblar.

Archil Talakvadze Davit Araxamianın bu gün müharibə şəraitində olan Ukrayna xalqının ehtiyaclarından uzaq düşdüyünü bildirib.

“Bu, bu şəxsin, təəssüf ki, müharibə şəraitində olan Ukrayna xalqının problemlərindən, real maraqlarından, ehtiyaclarından nə qədər uzaq düşdüyünü bir daha göstərir. Ukraynanı qeyd-şərtsiz dəstəkləməyə davam etməyimiz, Gürcüstan iqtidarının, bütün cəmiyyətin Ukraynanı dəstəkləməsi fonunda, siyasi şəxs, Ukrayna parlamentinin üzvü Gürcüstanın daxili siyasi prosesləri və Gürcüstan-Ukrayna dostluğuna ziyan vuran bu kimi bəyanatlara vaxt tapır. Təbii ki, biz indi yalnız və yalnız Ukrayna xalqını və Ukraynanın azadlıq mübarizəsini dəstəklədiyimiz üçün başqa şərh verməyəcəyik. Görünür, Gürcüstanda hər birimiz bunu Ukraynadakı Davit Araxamiadan daha yaxşı başa düşürük”- deyə Archil Talakvadze açıqlayıb.

Ukrayna Radasının “Xalqın xidmətçisi” fraksiyasının sədri Davit Araxamia “Mtavari Arxi”yə müsahibəsində Vaxtanq Kikabidzenin dəfn mərasimində iştirak etməyi planlaşdırdığını, lakin sərhədi keçərkən problemlərin yarana biləcəyi barədə ona xəbərdarlıq edildiyini bildirib.