Müxalif həmkarlarımız parlament həyatına, parlament fəaliyyətinə qayıtsalar, daha yaxşı olar -bu barədə Gürcüstan parlamentinin vitse-spikeri Archil Talakvadze açıqlayıb.

O, müxalifətdən olan deputatların aclıq aksiyası keçirməsinin Gürcüstanın əsas siyasi məsələləri ilə heç bir əlaqəsinin olmadığını bildirib.

“Əlbəttə, müxalif həmkarlarımızın aclıq aksiyasına görə olduqca məyusuq. Onlara ilk növbədə can sağlığı arzu edirik. Buradaca hesab edirik ki, bu, onların daxili siyasi çəkişmələrinin nəticəsidir və təbii ki, bu aclıq aksiyasının Gürcüstanın əsas siyasi məsələlərinə, xüsusən də ölkəmizi və cəmiyyətimizi bu gün maraqlandıran mühüm mövzularla heç bir təsiri və heç bir əlaqəsi yoxdur. Ona görə də düşünürəm ki, bu aclıq aksiyası ən qısa zamanda bitəcək. Həmkarlarımız parlament həyatına, parlament fəaliyyətinə qayıtsalar, daha yaxşı olar. Təəssüflər olsun ki, istər aclıq aksiyasına qədər, istərsə də aclıq aksiyası zamanı onlar parlament həyatına tam qoşulmurlar, bu səbəbdən, bu halda da aclıq aksiyası, parlamentin siyasi prosesindən ayrılmağın və ya demarşın mənası yoxdur. Yeganə narahatlıq onların səhhətidir və mən onlara aclıq aksiyasından uzaq durmağı tövsiyə edərdim, çünki bu aclıq aksiyasının siyasətə, xüsusən də hakim partiyanın qərarına heç bir təsiri olmayacaq” – deyə Archil Talakvadze açıqlayıb.

“Milli Hərəkat”ın bir neçə deputatı dekabrın 15-də aclıq aksiyası elan edib. Onların qeyd etdiyi kimi, “Mixeil Saakaşvili sağlamlığının təmin ediləcəyi ölkəyə köçürülənə qədər aclıq aksiyası keçirirlər”.