Azərbaycana səfərimizin ilk günü çox müsbət keçdi, parlament sədrinin prezident, baş nazirlə yüksək səviyyəli görüşləri oldu, onlar ənənəvi olaraq ölkələrimizi birləşdirən dəstəyi bir daha təsdiqlədilər-bu barədə “Gürcü Arzusu”nun üzvü Archil Talakvadze açıqlayıb.

Talakvadze Gürcüstan və Azərbaycan arasında güclü tərəfdaşlıq əlaqələrinin regionda təhlükəsizlik, iqtisadi inkişaf və hər iki ölkənin gələcəyi üçün vacib olduğunu deyib.

“Azərbaycanla bütün səviyyələrdə, o cümlədən parlament səviyyəsində sıx əməkdaşlığı davam etdiririk və bunun üçün bütün platformalardan istifadə edəcəyik. Nümayəndə heyətimizin cənab Heydər Əliyevin 100 illik yubileyi ilə əlaqədar gəlməsi olduqca rəmzidir və bununla da biz Azərbaycan xalqına və hakimiyyətinə hörmətimizi bir daha təsdiqləyirik. Qeyd etmək lazımdır ki, cənab Heydər Əliyev öz vaxtında Gürcüstan və Azərbaycan dostluğuna, ölkələrimiz üçün hələ də vacib olan geosiyasi funksiyaların yaradılmasına böyük töhfə verib”- deyə Talakvadze açıqlayıb.