Bu mərhələdə dəmir-beton divarın tikintisi davam etdirilərkən yolun daralmasına səbəb olan aşınmış yamac uçdu -bu barədə Kutaisi (Choma)-Alpana-Mamisoni dağ yolu və Saçxereni Racayla birləşdirən yolda aparılan işlər zamanı torpaq kütləsinin çökdüyü Racanın Oni Munisipalitetinin Zudali kəndində “Area Konkret Group”un nümayəndəsi Vaja Dondua bildirib.

Sözügedən hissədə yolun tikintisi işlərini “Area Konkret Group” şirkəti həyata keçirir.

Şirkət nümayəndəsinin izah etdiyi kimi, sürüşmənin təkrarlanması təhlükəsi yoxdur.

“Beton kütləsi aşmayıb. Aşınmış yamac çöküb, hərçənd bütün bunları gözləyirdik. Bundan irəli gələrək, maksimum təhlükəsizlik tədbirləri nəzərə alınaraq yolun hərəkət hissəsi azaldılıb. Sözügedən yer parapetlərlə əhatə olunub. Yolun hərəkəti tam bərpa olunub və heç bir nəqliyyat vasitəsinin hərəkətində maneə yoxdur. İndiki mərhələdə təkrarlanma təhlükəsi yoxdur. Son nəticədə məqsəd yeni körpü tikməkdir. Buradan Oni istiqamətində yol keçəcək”-“Area Konkret Group”un nümayəndəsi bildirib.

Bundan əlavə, Avtomobil Yolları İdarəsi Kutaisi (Choma)-Alpana-Mamisoni dağ yolu və Saçxereni Racayla birləşdirən yolda aparılan işlər zamanı torpaq çökməsi barədə də məlumat yayıb. Onların məlumatına görə, sözügedən hissədə mövcud divar çatlayıbmış, bu səbəbdən yolun hərəkət hissəsi parapetlə əhatə olunub və hərəkət yalnız bir zolaqda davam edib. Hadisə nəticəsində xəsarət alan olmayıb.