Parlamentin Hüquq Məsələləri Komitəsinin sədri Anri Oxanaşvili “De-oliqarxizasiya haqqında” qanun layihəsinin Venesiya Komissiyasına göndərilib-göndərilməyəcəyi ilə bağlı qərarın hələ verilmədiyini bildirib.

O bildirib ki, əvvəlcə Venesiya Komissiyasının üzərində çalışdığı de-oliqarxizasiya haqqında Ukrayna qanunu ilə nə baş verdiyini öyrənməlidirlər.

“Bizim tərəfdaşlarımızla məsləhətləşmələrimiz var, Venesiya Komissiyası ilə ünsiyyət qurduq, bir sıra məlumatımız var, o cümlədən Ukraynanın Venesiya Komissiyasına göndərdiyi qanunla bağlı. Biz qərar qəbul edib sizə məlumat verəcəyik. Qanun layihəsinin Venesiya Komissiyasına göndərilib-göndərilməyəcəyi ilə bağlı qəti mövqe yoxdur. Venesiya Komissiyası Ukrayna qanunu üzərində işləyir və qanun hazırlayır, nəticə hazırlayır, bu, rəsmi məlumatdır. Biz Avropa İttifaqı ilə məsləhətləşmələr aparırıq və hansı qərarı verəcəyimizi daha sonra sizə bildirəcəyik. Venesiya Komissiyası Avropa Parlamentində müxalifətə müdaxilə edirsə, bu, onların problemidir. Avropa Parlamenti siyasi nöqteyi-nəzərdən qərarlar qəbul edir, Venesiya Komissiyası isə hüquqi baza yaradan peşəkar qurumdur” – deyə Anri Oxanaşvili bildirib.