“Milli Hərəkat”ın üzvü Ani Tsitlidze tələbi yerinə yetirilməyənə qədər aclıq aksiyasını dayandırmaq niyyətində olmadığını bildirir.

Tsitlidze bir daha hakimiyyətə Mixeil Saakaşvilini müalicə məqsədilə xaricə göndərmək üçün müraciət edir.

“İlk öncə hər kəsi Milad bayramı münasibətilə təbrik etmək istəyirəm. Bu gün hər birimizin günahları üçün çarmıxa çəkilən, düşmənlərinizi sevməyi və sizə nifrət edənlərə yaxşılıq etməyi söyləyən Məsihin doğulduğu gündür. Aclıq aksiyamın on birinci günündə mən bir daha hakimiyyətə və insan həyatını xilas etməyi bacaranlara prezident Saakaşvilini müalicə məqsədilə köçürmək üçün müraciət edirəm. Mən etirazımı dayandırmaq niyyətində deyiləm, davam edirəm və güclüyəm”- deyə Tsitlidze açıqlayıb.