Almaniya Federal Respublikasının kansleri Angela Merkel iki günlük rəsmi səfərlə Gürcüstana bugün gələcək.

Almaniya kanslerinin təyyarəsini beynəlxalq hava limanında saat 15:30-də gözləyirlər.

Angela Merkel rəsmi səfərini baş nazir Mamuka Baxtadze ilə görüşlə başlayacaq.

Tbilisinin Şota Rustaveli adına beynəlxalq hava limanında Merkeli Gürcüstanın xarici İşlər Naziri Davit Zalkaniani qarşılayacaq. Daha sonra isə, hökümət administrasiyasında rəsmi qarşılama mərasimi keçiriləcək.

Baş-başa görüşdən sonra, Mamuka Baxtadze və Angela Merkel birgə mətbuat konfransı keçirəcəklər.

Səfərinin ilk günündə Almaniya kansleri Gürcüstan prezidenti Giorgi Marqvelaşvili ilə də görüşəcək. Ondan sonra isə, qəhramanlar memorialına əklil qoyacaq.

Həmçinin, Almaniya kansleri okupasiya xəttinin yanına gedəcək və orada Avropa İttifaqının müşahidəçilər missyası ilə görüşəcək.