Gürcüstanın Ukraynadakı diplomatik nümayəndəliklərinin əməkdaşlarının mükafatlandırılması mərasimində Ukraynanın Gürcüstandakı səfirliyinin nümayəndəsi Andrey Kasianov da iştirak edib.

Andrey Kasianovun Prezident Administrasiyasındakı çıxışında dediyi kimi, təhlükəyə baxmayaraq, Ukraynada fəaliyyətlərini sürdürən gürcü diplomatların mükafatlandırıldığı tədbirdə iştirak etmək onun üçün böyük şərəfdir.

Kasianov Ukraynaya güclü dəstəyə və həmrəyliyə görə Gürcüstan komandasına, diplomatlara təşəkkür edib.

“Çağırışlara və təhlükəyə baxmayaraq, Ukraynada fəaliyyətlərini sürdürən gürcü diplomatların mükafatlandırıldığı tədbirdə iştirak etmək mənim üçün böyük şərəfdir. 2008-ci ilin Rusiya-Gürcüstan müharibəsi zamanı Gürcüstana və gürcü xalqına güclü dəstəyini ifadə etmək üçün Avropanın beş ölkəsinin lideri ölkədə idi. Onların arasında Ukrayna prezidenti də var idi ki, o açıq şəkildə Ukraynanın Gürcüstanın azadlıq və müstəqillik mübarizəsini həmişə dəstəklədiyini qeyd etdi. Bu gün isə, Rusiya Federasiyasının Ukraynaya vəhşicəsinə müdaxilə etdiyi ən kritik zamanda gürcü diplomatlar Ukraynada öz fəaliyyətlərini sürdürdülər. Təhlükə və çağırışlara baxmayaraq, Gürcüstanın tam dəstəyini, Ukraynaya və onun xalqına həmrəy olduqlarını nümayiş etdirdilər. Ümid edirəm ki, xalqlarımız arasında dostluq və münasibətlər daha da möhkəmlənəcək və bu, həm ukraynalılara, həm də gürcülərə xeyir gətirəcək. Bir daha Gürcüstan komandasına, diplomatlara güclü dəstəyə və həmrəyliyə görə təşəkkür edirəm”- deyə Andrey Kasianov bildirib.

Salome Zurabişvili Gürcüstanın Ukraynadakı diplomatik nümayəndəliklərinin əməkdaşlarını “Şərəf” medalı ilə təltif edib.