“Gürcü Arzusu”ndan olan insanların dövlət qurumları ilə necə oynaması tamamilə narahatedicidir-bu barədə “Lelo”nun üzvü Ana Natsvlişvili Salome Zurabişvilinin İlham Əliyevin səfəri ilə bağlı məlumatlı olmamasına dair bəyanatını şərh edərkən bildirib.

Natsvlişvili “Gürcü Arzusu”nun dövlətə və dövlət institutlarına qarşı fəaliyyət göstərdiyini bildirib.

“Dövlətə və dövlət qurumlarına qarşı buna bərabər olacaq daha hansı görünməmiş hərəkətlərin törədiləcəyini bilmirəm. Baş verənlər tamamilə inanılmazdır. Buna hökumət və baş nazir cavab verməlidir. Təbii ki, “Gürcü Arzusu”ndan olan insanların dövlət qurumları ilə necə oynamasının narahatedici olması ilə bağlı bu məsələdə peşəkar və vətəndaş mövqeyim var. Bu xəbər Azərbaycanda və ya Gürcüstanın hər hansı digər tərəfdaş ölkəsində tərcümə olunarsa, bu tip vəziyyətin hansı əhval-ruhiyyə yaradacağını təsəvvür etmək mənə çətindir” – deyə Natsvlişvili bildirib.

Gürcüstanın Prezident Administrasiyası Azərbaycan prezidenti İlham Əliyevin Gürcüstana səfəri ilə bağlı bəyanat yayıb və bəyanatda bildirilir ki, Salome Zurabişviliyə İlham Əliyevin Gürcüstana işgüzar səfəri barədə məlumat verilməyib.