Plenar iclasda beş deputat, hamımız olacağıq və məhkəmə sistemindəki mövcud vəziyyəti öyrənəcək istintaq komissiyasının yaradılmasını tam tərkiblə dəstəkləyəcəyik-bu barədə “Gürcüstan Naminə” partiyasının üzvü Ana Buçukuri açıqlayıb.

Buçukuri ötən həftə olduğu kimi, partiyanın tam tərkiblə istintaq komissiyası yaradılmasına hazır olduğunu deyib.

“Məhkəmənin istintaq komissiyası ilə bağlı mən həqiqətən məsuliyyət daşımıram və başqa müxalifət nümayəndəsinə görə məsuliyyət daşımaqla bağlı da heç istəyim yoxdur. Komandamıza görə məsuliyyət daşıyıram. Bəli, keçən həftə olduğu kimi tam tərkiblə  hazır idik. Bu gün beş deputat, hamımız orada olacağıq və biz məhkəmə sistemindəki vəziyyəti öyrənəcək istintaq komissiyasını tam tərkiblə dəstəkləyəcəyik.

Təbii ki, parlament istintaq komissiyası istintaq orqanlarını əvəz edə bilməz, çünki o, istintaq səlahiyyətləri, məsələn, gizli izləmə ilə tam təchiz olunmayıb. İstintaq komissiyası bunu edə bilməz. Konkret hakimlər üçün kifayət qədər ağır nəticələrlə müşaiyət olunan korrupsiya ilə bağlı bu olduqca vacib ittihamla əlaqədar aidiyyatı istintaq orqanlarından bu günə qədər heç bir iradə və istək eşitməmişik, bu ittihamın araşdırılması ilə bağlı hakimiyyət tərəfindən heç bir hazırlıq eşitməmişik.

Üstəlik, baş nazir Sandro Qirqvliani işi üzrə hakim Levan Murusidze və bu insanların yaratdığı sistemlə fəxr etdiyini bildirib. Bundan irəli gələrək, komandamız da qərara gəldi ki, mandatımızdan irəli gələrək bu mühüm problemin müzakirəsi üçün parlamentdə siyasi təsir vasitələrindən istifadə etmək vacibdir. Bir neçə gün əvvəl baş vermiş məsuliyyətsizliyin həqiqətən təkrarlanmayacağına və bu gün istintaq komissiyasının yaradılacağına böyük ümid bəsləyirəm”-deyə Ana Buçukuri açıqlayıb.