Gürcüstanın Avropaya doğru irəliləmək istədiyini bilirəm, Avropa Gürcüstanı gözləyir – bu barədə Almaniya Federativ Respublikasının vitse-kansleri, İqtisadiyyat və İqlim Mühafizəsi naziri Robert Habek Gürcüstanın ev sahibliyi etdiyi “İTB Berlin”in açılış mərasimində açıqlayıb.

Almaniyanın vitse-kansleri öz çıxışında 2008-ci ildə baş verən hadisələrdən danışıb və qeyd edib ki, Rusiya tərəfindən Ukraynanın indi üzləşdiyi ilə Gürcüstan da sınağa çəkilib.

“Gürcüstana səfər edərkən xatırlayıram, bu barədə daha sonra yenə danışacağam, lakin nə xatırladığımı bilirsiniz mi ?!, məncə, bu, “Covid” dövrü idi, Gürcüstanda idim, 2008-ci ilin hadisələri yadıma düşdü. Rusiya tərəfindən Ukraynanın indi üzləşdiyi ilə Gürcüstanın da sınağa çəkildiyini bilirəm. Mən dörd il əvvəl sizin ölkədə oldum. Çox uzaq keçmiş olduğunu düşünürdüm, lakin eyni aqressiya dünyaya qayıtdı. Biz bu hadisələri dərk etməliyik. Rusiyanın 2008-ci ildə Gürcüstanda etdiyi hər şeyi başa düşdükdə, yəqin ki, bu, Rusiya lideri Putinin tirana çevrildiyini göstərən əlamət idi və biz hamımız Ukraynada baş verən indiki problemlərin Rusiya tərəfindən Gürcüstanda başladığını görürük”-deyə Robert Habek açıqlayıb.

Almaniyanın vitse-kansleri çıxışının sonunda bir daha Gürcüstandan danışıb.

“Mən builki tədbirdə xüsusi qonağımız olan Gürcüstan məsələsinə qayıtmaq istəyirəm. Mən sizin gözəl ölkəniz, Gürcüstanda olduğumdan artıq bəhs etmişəm. Həmkarım, cənab Zurab Pololikaşvilidən gürcücə ifadələr eşidərkən, o şirin səsi xatırladım. Sizin çox gözəl yazı sisteminiz var. Əcnəbinin oxuması mümkün deyil, amma çox gözəldir. Ailəm Gürcüstanda olanda tərcümə üçün “Google Translate”dən istifadə edirdik və münasibətimizdə heç bir maneə yox idi. Həqiqətən kompyuter və telefon vasitəsilə elementar səviyyədə ünsiyyət qura bilərsiniz. Tbilisi üzərində gün batımı anını xatırlayıram. Mən olduqca qədim bir muzeydə oldum. Birinci Dünya Müharibəsindən sonra Gürcüstan demokratiyanın əsasını qoyan ölkə idi və alman demokratlar Gürcüstandan nə edəcəklərini öyrənmək üçün Gürcüstana gəldilər. Bundan az sonra Gürcüstan Sovet İttifaqı tərəfindən işğal edildi. Mən 1918-1921-ci illərdən danışıram. Həmin vaxt alman mütəxəssisləri demokratiyanı öyrənmək üçün Gürcüstanda idilər. Mən Tbilisidə olmuşam, bilirəm ki, Gürcüstan Avropaya doğru irəliləmək istəyir və Avropa Gürcüstanı gözləyir” -deyə Robert Habek açıqlayıb.