Almaniyanın Gürcüstandakı səfirliyindən verilən məlumata görə, Almaniya Bundestaqının vitse-prezidenti Katrin Göring-Eckardt iyulun 18-də Gürcüstana səfər edəcək.

Səfirliyin məlumatında da qeyd edildiyi üzrə, Almaniya Gürcüstanın Avropa İttifaqına üzv olmaq perspektivini reallaşdırmaq səylərini dəstəkləyir.

Onlar tərəfindən verilmiş məlumatda, vitse-prezidentin Avropa İttifaqına namizəd statusu almaq üçün zəruri olan öhdəliklərin vaxtında yerinə yetirilməsini təşviq etmək istədiyi deyilir.

“Rusiyanın Ukraynaya qarşı təcavüzkar müharibəsi səbəbilə Almaniya Bundestaqının vitse-prezidenti Katrin Göring-Eckardt 2022-ci ilin iyulun 18-də Gürcüstana səfər edəcək. Xanım Görinq-Eckardt müharibənin nəticələri və Gürcüstanın gələcək perspektivləri ilə tanış olacaq. Vitse-Prezident Avropa İttifaqına namizəd statusu almaq üçün zəruri olan öhdəliklərin vaxtında yerinə yetirilməsini təşviq etmək istəyir. Almaniya Gürcüstanın Avropa İttifaqına daxil olmaq perspektivini reallaşdırmaq səylərini dəstəkləyir. Vitse-prezident Tbilisidə Gürcüstan parlamentinin sədri cənab Şalva Papuaşvili və Gürcüstan prezidenti xanım Salome Zurabişvili ilə danışıqlar aparacaq. Bundan başqa, 2022-ci ilin iyulun 19-da xanım Göring-Eckardt Heinrich Böll Fondunun təşkilatçılığı ilə “Mədəniyyət-Demokratiya-Avropa: Gürcüstan üçün resurs və parlayan ulduz?” mövzusunda ictimai müzakirədə iştirak edəcək. 2022-ci ilin iyul ayının 20-də Katrin Göring-Eckardt Ermənistana yollanacaq” -deyə məlumatda deyilir.