Almaniyanın Gürcüstandakı səfiri Peter Fişer bu gün Ədliyyə Nazirliyində Avropa İttifaqına üzv 15 ölkənin səfirləri ilə yanaşı ABŞ nümayəndələrinin də iştirakıyla iclas keçirildiyini bildirib. O, səfirlərin nazir Rati Breqadze ilə bugünkü görüşündə Mixeil Saakaşvili məsələsinin müzakirə edildiyini bildirib.

Lakin səfirin qeyd etdiyi kimi, söhbətin təfərrüatlarını şərh edə bilməz.

“ABŞ nümayəndələri ilə yanaşı, Avropa İttifaqına üzv olan 15 ölkənin səfirləri burada idik. Mixeil Saakaşvilinin məsələsi ilə bağlı Gürcüstanın ədliyyə naziri ilə görüşdük. Davam edən məhkəmə prosesləri və sağlamlıq problemləri haqqında danışdıq, lakin söhbətin təfərrüatlarını şərh edə bilmərəm” -deyə Peter Fişer açıqlayır.