Almaniya Bundestaqının Prezidenti Berbel Bas Almaniyanın Avropa yolunda Gürcüstanı dəstəklədiyini bildirib.

Berbel Basın Gürcüstan parlamentinin sədri Şalva Papuaşvili ilə birgə bəyanatında qeyd etdiyi kimi, Almaniya və Gürcüstan arasında bir çox sahələrdə tərəfdaşlıq əlaqələri var və parlamentlər sıx əməkdaşlıq edirlər.

“Ölkələrimiz arasında bir çox sahələrdə tərəfdaşlıq əlaqələri mövcuddur. Parlamentarilərimiz bir-biri ilə sıx əməkdaşlıq edirlər. Almaniya Bundestaqının yardımı çoxşaxəlidir, məsələn, Şərq Tərəfdaşlığı çərçivəsində biz “GİZ”lə birlikdə müxtəlif layihələr həyata keçiririk və bu layihələr daha da intensivləşəcək. Berlində parlament rəhbərləri arasında əməkdaşlıq davam etdiriləcək. Almaniya uzun müddətdir ki, parlament təqaüd proqramını həyata keçirir”- deyə Berbel Bas açıqlayıb.

Almaniya Bundestaqının Prezidenti səfəri çərçivəsində işğal xəttinə baş çəkməyi planlaşdırdığını deyib.

“Rusiyanın Ukraynadakı müharibəsi Gürcüstana xüsusi təsir etdi və mənim Gürcüstana gəlməyimin səbəblərindən biri də budur. Gürcüstan Rusiyanın təcavüzünün nə demək olduğunu bilir. Sabah inzibati xəttə gedəcəyəm” – deyə Berbel Bas açıqlayıb.

Bundan əlavə, Berbel Bas bildirib ki, “Pride” festivalının pozulması cəhdi sərbəst toplaşmaq azadlığını və azlıqların hüquqlarını pozur.

“Ötən il Gürcüstan Avropa İttifaqına üzvlük perspektivini qəbul etdi. Bu, şəxsən mənim üçün çox vacib olan Gürcüstan üçün aydın perspektivdir. Gürcüstan əhalisinin özünü avropalı hesab etməsi mənim üçün çox təsir edicidir, lakin “Pride” festivalını pozmaq cəhdi o qədər də yaxşı xəbər deyildi. Bu, sərbəst toplaşmaq azadlığını, azlıqların hüquqlarını pozur və bu hüquqlar Avropa dəyərlərinin tərkib hissələrindən biridir. Mən başqa görüşlərdə də bu məsələyə qayıdacağam, lakin mən Gürcüstanı bu islahatları davam etdirməyə və həyata keçirməyə sövq edirəm. Almaniya adından deyirəm ki, Almaniya Gürcüstanı Avropa yolunda dəstəkləyir”-deyə Berbel Bas açıqlayıb.