Gürcüstanın Təhsil, Elm və Gənclər Nazirliyinin maliyyə dəstəyi ilə Kutaisi şəhərindəki 34 və 37 nömrəli dövlət məktəbləri tamamilə bərpa edilib.

Təhsil, elm və gənclər naziri Aleksandr Tsuladze məktəblərin yenilənmiş infrastrukturu ilə yerindəcə tanış olub.

Nazir müəllimlərlə də görüşüb, onlara yeni şəraitdə uğurlu tədris ilini arzulayıb.

Nazirin qeyd etdiyi kimi, məktəblərdə aparılan infrastruktur işləri nəticəsində gənclər daha da təhlükəsiz və rahat şəraitdə təhsil almaq imkanı əldə edəcəklər. Onun sözlərinə görə, yenilənmiş təhsil məkanında müəllimlər də müasir texnologiyalardan istifadə etməklə şagirdlərin akademik nailiyyətlərinin yüksəldilməsi istiqamətində fəaliyyətə həvəslənirlər ki, bu da öz növbəsində məktəblərdə tədrisin keyfiyyətinin yüksəldilməsinə xidmət edir.

Nazirlə birlikdə Kutaisi şəhərinin əksər deputatı Zaza Lominadze və Kutaisi bələdiyyəsinin merinin səlahiyyətlərini icra edən Davit Eremeişvili Kutaisi şəhərinin yeni təmir olunmuş məktəblərinin infrastrukturu ilə tanış olublar.

Kutaisi şəhərinin 34-cü dövlət məktəbi 450 şagird üçün nəzərdə tutulub və layihənin dəyəri 5 milyon laridən çoxdur. 1200 şagirdin təhsil aldığı 37-ci dövlət məktəbinə gəlincə, onun infrastruktur layihəsinin dəyəri 7 milyon laridən çoxdur.

Hər iki məktəbdə elm və kompüter laboratoriyaları, kitabxana, yeməkxana, resurs otağı və həkim məntəqəsi, idman və akt zalları var.

Məktəb infrastrukturunun inkişaf etdirilməsi məqsədilə ölkə ərazisində tikinti-bərpa işləri fəal şəkildə aparılır. Bunun nəticəsidir ki, ilin sonunadək ümumilikdə 100 dövlət məktəbində müasir standartlara cavab verən binalar tamamilə təmir olunacaq.

Bu barədə məlumatı Təhsil və Elm Nazirliyinin mətbuat xidməti yayıb.