“Qirçi” partiyasının üzvü Aleksandre Rakviaşvili müxalifət tərəfindən vaxtilə parlamentə elan edilmiş boykotun səhv olduğunu bildirib. Rakviaşvilinin qeyd etdiyi kimi, indi də o, belə boykotun hansısa fayda gətirəcəyinə şübhə edir.

Aleksandre Rakviaşvili bildirir ki, buna baxmayaraq, “Qirçi” müxalifətdən olan həmkarlarını dinləməyin və onların arqumentlərinin nə olduğunu başa düşməyin əleyhinə deyil.

“Artıq belə bir cəhdimiz olub. Bu, həqiqətən səhv idi. Eyni səhvin təkrarlanmasının nəsə fayda gətirəcəyinə şübhə edirəm, lakin biz hər zaman söhbətə açığıq. Həmkarlarımızla məmnuniyyətlə söhbət edəcəyik və onların hansı arqumentləri olduğunu dinləyəcəyik, hərçənd vaxtilə boykotu müşayiət edən uzun aylıq müzakirələrdən sonra hər hansı yeni arqumentin ortaya çıxacağına şübhə edirəm. Bu səbəbdən ikinci dəfə belə boykotun baş tutacağını hesab etmirəm” – deyə Aleksandre Rakviaşvili açıqlayıb.