“Qirçi”nin üzvlərindən biri Aleksandre Rakviaşvili ATƏT/DTİHB və Venesiya Komissiyasının Seçki Məcəlləsinə və “Siyasi birliklər haqqında” qanuna dəyişikliklərlə bağlı tövsiyələri ilə tanış olmadığını bildirib. O, yekun rəydə xüsusilə pis bir şey yazılacağını gözləmədiyini söyləyib.

Sandro Rakviaşvili seçki islahatları çərçivəsində qəbul edilən dəyişikliklərin irəliyə doğru atılan addım olduğunu söyləyib.

“Tövsiyələrlə tanış olacağam. Ümumiyyətlə, biz birinci oxunuş zamanı da dəyişiklikləri dəstəklədik. Bu dəyişikliklərin irəliyə doğru atılmış addım olduğunu hesab edirik. Əgər tövsiyələr gəlibsə və əlavə olaraq həyata keçirəcəyiksə, o tövsiyələrdə inanılmaz bir şey yazılmayıbsa, dəstəyimiz olacaq. Ümumiyyətlə, ATƏT/DTİHB-nin nümayəndələri ilə görüşdə kifayət qədər müsbət müzakirə aparıldı və xüsusilə pis nəsə yazılacağını gözləmirəm. Bəlkə də əksinə, dəyişiklikləri daha da təkmilləşdirə biləcəyik. 12 bənddən seçki islahatı ən dinc və konstruktiv prosesin nəticəsi idi. Razılaşmadığımız dəyişikliyin olmasına baxmayaraq, yekun olaraq dəstəklədiyimiz bu qəbul edilən dəyişikliklər irəliyə doğru atılmış addımdır”- deyə Sandro Rakviaşvili açıqlayıb.