Daxili işlər nazirinin müavini Aleksandre Daraxvelidze qadınlara qarşı törədilən cinayətlər haqqında media nümayəndələri ilə danışıb və bildirib ki, Daxili İşlər Nazirliyi və bütün hüquq-mühafizə orqanları qadınlara qarşı zorakılığa və məişət zorakılığına qarşı güzəştsiz mübarizə aparır.

O, cinayət hüququ siyasətinin oxşar cinayətləri törədənlərə qarşı ən sərt siyasət olduğunu açıqlayıb.

“Qeyd etmək lazımdır ki, bunlar ən ağır faktlar idi, biz təbii ki, qınayırıq və bu cür cinayətlərə qarşı mübarizənin səmərəli olması üçün hər şeyi edirik. Daxili İşlər Nazirliyi və bütün hüquq-mühafizə orqanları qadınlara qarşı zorakılıq və məişət zorakılığına qarşı güzəştsiz mübarizə aparır. Cinayət hüququ siyasəti oxşar cinayəti törədənlər üçün ən sərt siyasətdir, lakin mübarizənin effektiv olması üçün bu cinayətə qarşı mübarizədə səlahiyyətə malik olan hər bir qurumun lazımi motivasiyaya malik olması və bu cinayətə yönəlik müvafiq tədbirlər görməsi labüddür. Həmçinin, polisə vaxtında məlumat verilməsi, eləcə də bu cinayətə qarşı əvvəlcədən mübarizə apara bilməyimiz üçün cəmiyyətin iştirakı vacibdir”- deyə Aleksandre Daraxvelidze bildirib.