Qanunda açıq şəkildə qeyd olunub ki, əgər yol süni şəkildə bağlanıbsa, qəsdən maneələr yaradılıbsa, polisin qanuna uyğun hərəkət etmək hüququ var. Həmçinin, avtomobil və digər vasitələrdən yola mane olmaq üçün istifadə edilirsə, polisin qanuna uyğun hərəkət etmək hüququ var, – deyə daxili işlər nazirinin müavini Aleksandr Daraxvelidze bildirib.

Onun sözlərinə görə, hər kəsin toplantı və nümayişdə iştirak etmək hüququ var, lakin qanun pozulmamalıdır.

“Milli Hərəkat”ın bəyanatı hər kəsə məlumdur ki, onlar süni şəkildə yolu bağlamaq, nəqliyyata qəsdən maneələr yaratmağı planlaşdırırlar. Aksiya iştirakçıları qanunun tələblərini pozarsa, polisin müvafiq mexanizmlərdən istifadə etmək səlahiyyəti var və Daxili İşlər Nazirliyi bəyanat yayanda da bu müzakirə olunub. “Milli Hərəkat” qanunu pozmazsa, qanunla müəyyən edilmiş toplaşma və nümayiş keçirmənin icazə verilən hədlərini aşmazsa, təbii ki, hər bir şəxs kimi onların da toplantı və nümayişdə iştirak etmək hüququ vardır. Qanunda açıq şəkildə göstərilir ki, yol süni şəkildə kəsildikdə və qəsdən maneələr yaradılarsa, o cümlədən nəqliyyat vasitələri və digər vasitələrdən yolun hərəkətinə mane olarsa, polisin qanunvericiliyə uyğun hərəkət etmək hüququ vardır. Bu, bilavasitə 2011-ci ildə qəbul edilən qanunda müəyyən edilib”, – Daraxvelidze bildirib.