Gürcüstanın bəzi aspektlərdə Aİ-yə namizəd olan digər ölkələrdən xeyli irəlidə olduğunu düşünürəm – bu haqda Albaniya Parlamentinin Avropa İşləri Komitəsinin sədri Lavdrim Kras Gürcüstan və Qərbi Balkan ölkələri parlamentlərarası konfransı çərçivəsində açıqlayıb.

“Gürcüstan Parlamentinin bizi kiçik xalqların arzusu olan Avropaya inteqrasiya ilə bağlı təcrübəni təkcə Qərbi Balkanlarda deyil, həm də Gürcüstanda bölüşməyə dəvət etməsi mənim üçün böyük şərəfdir. Düşünürəm ki, bu gün danışıqlarla bağlı təcrübəni bölüşmək üçün yaxşı fürsət oldu. Səmimi desəm, Gürcüstanın bəzi aspektlərdə Aİ-yə namizəd olan digər ölkələrdən xeyli irəlidə olduğunu düşünürəm. Beləliklə, bunu qeyd etməliyəm və Gürcüstanı təbrik etmək istəyirəm.

Biz Qərbi Balkanların birgə dayanan altı ölkəsi Gürcüstanın Avropa İttifaqına daxil olmaq istəyini tam dəstəklədiyimizi bəyan edirik. Bu, təkcə xalqınız üçün deyil, ən əsası birlik olaraq Avropa İttifaqı üçün də xeyirli olacaq” – Albaniya Parlamentinin Avropa İşləri Komitəsinin sədri açıqlayıb.