Alabama ştatının Birmingem şəhərində atışma nəticəsində 4 nəfər ölüb, onlarla insan yaralanıb

Alabama ştatının Birmingem şəhərində baş verən atışma nəticəsində 4 nəfər ölüb, onlarla insan yaralanıb. Bu barədə “BBC” yerli mediaya əsaslanaraq məlumat yayıb.

Polisin məlumatına görə, hadisə zamanı iki kişi və bir qadın həlak olub, onlar hadisə yerində ölüb. Daha bir nəfər xəstəxanada dünyasını dəyişib.

Hazırda detektivlər atəşin hərəkətdə olan avtomobildən olub-olmadığını və ya cinayətkarın piyada olub-olmadığını müəyyən etməyə çalışır.

Medianın məlumatına görə, xilasetmə xidmətləri qəza yerindən 8 nəfəri xəstəxanalara çatdırıb, digərləri isə müstəqil olaraq tibb müəssisəsinə gediblər.

Polisin məlumatına görə, ən azı dörd yaralının səhhətinin vəziyyəti ağırdır.

Hüquq-mühafizə orqanlarının əməkdaşları hələ də cinayətkarı axtarır.