Gürcü aktrisa Ketevan Kiknadze 85 yaşında vəfat edib. Bu haqda məlumatı onun ailə üzvləri Gürcüstanın Birinci Kanalına təsdiqləyiblər.

Ketevan Kiknadze 1959-cu ildə Tbilisi Dövlət Teatr İnstitutunun aktyorluq fakültəsini bitirib. 1959-cu ildən Mərcanişvili Teatrının aktyoru idi; 16-dan çox bədii, televiziya filmi və serialında çəkilib: Mariam (“Keçmişlə görüş”), Tina (“Tariel Qolua”), Beçuni Pertia (“Data Tutaşxia”), Zazanın anası (“Ağ bayraqlar”), Marqo (” Premyera “), Çariça Ketevan (“And kitabı”) və s. 100-dən çox tamaşada iştirak edib.

Mükafatlar, premiya və prizlər alıb: 2005 – Borcominin fəxri vətəndaşı; 1999– Gürcü teatr və kino sənətinin inkişafındakı şəxsi böyük xidmətinə və məhsuldar yaradıcılıq və ictimai xadimliyinə görə “Şərəf” ordeni; 1991 – Ceyms Taunun (ABŞ) fəxri vətəndaşı ; 1987 – Gürcüstanın xalq artisti; 1987 – Şota Rustaveli adına dövlət premiyası; Kote Marcanişvili adına premiya; Gürcüstanın əməkdar artisti.