Aksiya Təhsil Nazirliyində professorlar, valideynlər və təhsil sahəsində çalışanların bir hissəsi keçirilir. Aksiyanı “Gürcüstan təhsili təhlükədədir” hərəkatı təşkil edir.

Mitinq iştirakçıları deyirlər ki, onların tələbi nazirlik rəhbərliyinin istefası və təhsil sahəsində repressiyaların dayandırılmasıdır.

Aksiya iştirakçılarının fikrincə, Gürcüstanın ali təhsil sistemi artıq iki Avropa keyfiyyət menecmenti təşkilatının, Keyfiyyətin Təminatı üzrə Avropa Reyestrinin və Ali Təhsilin Keyfiyyətinin Təminatı üzrə Avropa Assosiasiyasının üzvlüyünü itirib.

Məlumat üçün bildirək ki, təhsil ekspertləri Təhsilin Keyfiyyətinin İnkişafı üzrə Milli Mərkəzin Avropa Assosiasiyasına üzvlüyünü itirmək üzrə olduğunu bildiriblər. Buna cavab olaraq Təhsilin Keyfiyyətinin İnkişafı Milli Mərkəzi bəyanat yayıb.