Qldani icra hakimiyyəti avqustun 18-də, gecə saatlarında “Axmeteli Teatrı” metro stansiyasına bitişik ərazinin reabilitasiyasına başlayacaq.

Tbilisi Meriyasından verilən məlumatda, layihənin həyata keçirilməsi nəticəsində zədələnmiş plitələrin dəyişdiriləcəyi, ümumi istifadə üçün pilləkənlərin və drenaj şəbəkəsinin torlarının təmir olunacağı deyilir.

“Proses əsasən gecə saatlarında, metrostansiyanın iş saatı başa çatdıqdan sonra aparılacaq. Bundan başqa, yaxın gələcəkdə “Axmeteli Teatrı” metro stansiyasına bitişik ərazidə, “Mariam” və “Avrasiya” ticarət mərkəzləri arasındakı ərazi yenidən qurulacaq, icra hakimiyyəti tərəfindən yol infrastrukturu və ərazi abadlaşdırılacaq. Sözügedən layihənin planlaşdırılması Nəqliyyat və Şəhərsalma Agentliyi tərəfindən həyata keçirilib. İnfrastruktur işləri başa çatdıqdan sonra qurum ərazidə gözləmə otaqları yerləşdirəcək. Tbilisi Meriyası yaranmış narahatlığa görə üzr istəyir”, – deyə meriyadan bildirilib.