Bu olduqca böyük ənənələrə malik müəssisənin gələcək inkişafı üçün ideya tamamilə düzgündür -bu barədə səhiyyə eksperti Akaki Zoidze Tbilisinin Respublika xəstəxanasının konsepsiyasının təqdimatından sonra açıqlayıb.

Zoidze tibbi personalla əməkdaşlıq məsələlərindən danışıb və qeyd edib ki, razılaşma Respublika xəstəxanasının əməkdaşlarının maraqları nəzərə alınmaqla baş tutmalıdır.

“İlk növbədə kollektivin maraqları olduqca mühümdür. Bu illər ərzində formalaşan məhz bu komanda ilə razılaşma əldə edilməlidir. İstəyənin hazırlıqdan keçməsi və işlə təmin olunması, möhkəm təminatları olması üçün onlara bütün imkanlar yaradılmalıdır ; İkincisi, yaşa görə edə bilməyənlərə başqa növ təzminat təklif edilməlidir.

Fikrimcə bu olduqca böyük ənənələrə malik müəssisənin gələcək inkişafı üçün ideya tamamilə düzgündür, çünki mövcud binanın təchiz edilmə mümkünlüyü daha az ehtimal edilir.

Bu müəssisənin yenilənməsi ilə bağlı çoxlu planlar olub və məncə burada olan əsas məqam etimaddır. Əgər bu layihənin reallıqda təqdim edildiyi kimi həyata keçiriləcəyinə dair möhkəm təminat olarsa, bu, olduqca müsbət və faydalı bir işdir”- deyə Akaki Zoidze açıqlayıb.

Xatırladaq ki, təqdimatda tibbi personalla əməkdaşlıq məsələləri də müzakirə olunub. Respublika xəstəxanasının əməkdaşlarının digər dövlət tibb müəssisələrində işlə təmin olunacağı və ya tikinti boyunca əməkhaqqı alacaqları qeyd olunub.