Son həftədə orta hesabla hər gün 600 və 600 -dən çox yeni yoluxma halı qeydə alınır. Epidemioloji vəziyyət olduqca gərgindir. Testləşməyə gəlincə, bu bütün munisipalitet səviyyəsində əlçatandır. Dünən 6000 -dən çox test aparılıb və müsbətlilik göstəricisi isə 11, 4 -dür. Təəssüf ki, yeddi ölüm hadisəsi qeydə alınıb, – bu barədə Acharanın İctimai Səhiyyə Mərkəzinin direktor müavini Nona Epadze bildirib.

Onun sözlərinə görə, hazırda Acharada 5000 -dən çox aktiv yoluxma halı var.

“Onlardan 15% -i klinikalarda, təxminən 25% -i kovid-mehmanxanalarda müalicə olunur, qalanları evdə idarə olunur. Vaksinasiyaya gəlincə, gündəlik peyvənd dozalarının artmasına dair rəqəmlər ümidvericidir. Dünən 3000 -ə qədər insan peyvənd olunub. Bunun 30% -ə qədəri ikinci dozanın tətbiqidir. 18 yaşdan yuxarı əhalinin təxminən 20% -i birinci doza ilə peyvəndlənib, bu da hazırkı mərhələ üçün yaxşılaşmış göstəricidir. İkinci doza ilə isə 18 yaşdan yuxarı əhalinin təxminən 8% -i artıq peyvənd olunub. Peyvəndləmə tempi artır və ümid edirik ki, bu rəqəm qorunacaq və daha çox olacaq. Çarpayı fonduna gəlincə, dünən gecəyə olan məlumata görə, klinikalarda 62 boş yer var idi . Gün ərzində bu rəqəm evə buraxılmalarla birlikdə dəyişkəndir. Boş çarpayıların sayı azalıb. Lakin, paralel olaraq çarpayı fondu artırılır. Kovid-mehmanxanalar demək olar ki, hər gün, həftədə 2-3 yeni mehmanxana əlavə olunur, yəni artan tələbata uyğun olaraq kovid-mehmanxanaların sayı da artır”, – deyə Epadze bildirib.