Ötən gün Trabzon yaxınlığında baş verən qəzada yaralanan 5 Gürcüstan vətəndaşı Türkiyə klinikalarında müalicə olunur. Onlardan birinin vəziyyəti ağırdır, yaralılardan biri isə bu gün klinikanı tərk edəcək. Bu barədə dünən Türkiyədə yaralılara baş çəkmiş Acarıstanın səhiyyə naziri Nino Nijaradze bildirib.

“Avtomobil qəzasında yaralananların müalicəsi ilə bağlı xərclər tamamilə Türkiyə tərəfi tərəfindən qarşılanacaq. Xəstələrdən birinin vəziyyəti ağırdır, onlardan birinin vəziyyəti yüngüldür və o, bu gün klinikanı tərk edəcək, onlardan üçünün vəziyyəti orta ağırdır və onların uzunmüddətli müalicə kursuna ehtiyacı var”, – deyə Nino Nijaradze bildirib.

Nazirin sözlərinə görə, xəsarət alan Gürcüstan vətəndaşları kiçik bizneslə məşğul olub və Türkiyədə şəxsi fəaliyyətlə məşğul olublar.

Hadisə ötən gün Trabzon yaxınlığında baş verib, 6 sərnişindən biri, orta yaşlı qadın hadisə yerində dünyasını dəyişib.