Gürcüstan Daxili İşlər Nazirliyinin Acara Polis Departamentinin əməkdaşlarının həyata keçirdikləri əməliyyat-axtarış tədbirləri və istintaq hərəkətləri nəticəsində əvvəllər məhkum olunmuş 1979-cu il təvəllüdlü Z.B. “isti izlər”lə ailə üzvünə qarşı qəsdən adam öldürmə ittihamı ilə saxlanılıb.

“İstintaq müəyyən edib ki, təqsirləndirilən şəxs Batumidə yaşadıqları evdə soyuq silahla həyat yoldaşına – 1987-ci il təvəllüdlü İ.B-ya xəsarət yetirib və hadisə yerindən qaçaraq gizlənib. Yaralı qadın tibb müəssisəsinə gətirildikdən dərhal sonra dünyasını dəyişib. Polis Z.B.-ni təqsirləndirilən şəxs qismində saxlayıb. Polislər cinayət silahını – bıçağı sübut olaraq götürüblər” – Daxili İşlər Nazirliyində deyirlər.

İstintaq Gürcüstan Cinayət Məcəlləsinin 109-cu maddəsinin “k” yarımbəndinə əsasən aparılır, bu da ailə üzvünü ağırlaşdırıcı şəraitdə qəsdən öldürməyi nəzərdə tutur. Cinayət 16 ildən 20 ilədək və ya ömürlük həbsi nəzərdə tutur.