Aİ-nin Gürcüstandakı səfiri olmaq mənim üçün şərəf və həmçinin böyük məsuliyyətdir. Gürcüstanı Aİ yolunda dəstəkləmək üçün komandamla yorulmadan çalışacağam – bu barədə Avropa İttifaqının Gürcüstandakı səfiri Pavel Herçinskinin Avropa İttifaqının saytında dərc olunmuş müraciətində deyilir.

Pavel Herçinski prosesə töhfə vermək imkanının böyük bir imtiyaz olduğunu bildirib.

“Salam Gürcüstan! Əziz dostlar! Aİ-nin Gürcüstandakı səfiri olmaq mənim üçün şərəf və həmçinin böyük məsuliyyətdir. Bu vəzifəyə təyinat Aİ-Gürcüstan münasibətlərinin ən mühüm məqamlarından birinə təsadüf edir. Avropa Şurasının Gürcüstana Avropa perspektivi verməklə bağlı tarixi qərarı yeni reallıq yaradır. Gürcüstanı Aİ yolunda dəstəkləmək üçün komandamla yorulmadan çalışacağam. Bu prosesə töhfə vermək imkanı böyük imtiyazdır”- deyə səfirin müraciətində deyilir.